لە ڕووداوەکەی سەر ڕێگەی سلێمانی-عەربەتدا دوو کەس گیانیان لەدەستدا کە یەکێکیان ڕۆژنامەنووس وریا حەمەکەریمە.
بەڕێوەبەرایەتی هاتووچۆی سلێمانی ڕایگەیاند، بەرەبەیانی ئەمڕۆ پێنجشەممە، پێش بازگەی عەربەت بارهەڵگرێک خۆی کێشا بە دوو ئۆتۆمبيلدا و دوو کەس گیانی لە دەستداوە.
ڕوونیشکردەوە کە دوای پێداکێشانەکە، بارهەڵگرەکە وەرگەڕاوە و بە هۆیەوە سایدی عەربەت سلێمانی داخرا.
ڕۆژنامەنووس وریا حەمەکەریم یەکێک لەو دوو هاووڵاتییەیە کە لە ڕووداوەکەدا گیانیان لەدەستدا.
