سەرۆک وەزیرانی عێراق سەرپەرشتی ڕێوڕەسمی واژۆکردنی گرێبەستی پڕۆژەی پەرەپێدان و فراوانکردنی پاڵاوگەی دیوانیە دەکات بەبڕی 800 ملیۆن دۆلار.
لە ڕاگەیەندراوێکدا، نووسینگەی سەرۆک وەزیرانی عێراق رایگەیاند، محەمەد شیاع سودانی سەرپەرشتی ڕێوڕەسمی واژۆی گرێبەستی پرۆژەی پەرەپیدان و فراوانکردنی پاڵاوگەی دیواننە کرد، بە زیادکردنی یەکەیەکی پاڵاوتن بە توانای 70 هەزار بەرمیل لە ڕۆژێکدا.
ئاماژە بەوەشدراوە، گرێبەستەکە جگە لە دروستکردنی یەکەکە، بەرهەمهێنان دەگەیەنێتە 90 هەزار بەرمیل لە ڕۆژێکدا و یەکەکانی هایدرۆجین و باشترکردنی بەنزین و یەکەی خزمەتگوزاری تر لەخۆدەگرێت.
بەپێی ڕاگەیەندراوەکە، پڕۆژەی پەرەپێدان و فراوانکردنی پاڵاوگەی دیوانیە یەکێکە لە گرنگترین پڕۆژە ستراتیژییەکانی عێراق، بە بشت بەستن نوێترین ئامرازی تەکنیکی بۆ پاڵاوتنی نەوتی خاو، کاردەکات و ڕیارە بەپێی پەرەپێدانەکە کارەکانی لەهەرسێ ماددەکانی (شل، ڕەق و غازدا) کاربکات.
سودانی ڕوونیکردۆتەوە، پڕۆژەکە جگە لە پێشکەشکردنی باشترین خزمەتگوزاری بە پارێزگاکە، هاوکات هاوبەشێکی گرنگ دەبێت لەدابینکردنی بەرهەمە نەوتییەکان و تەواوکردنی پڕۆژەی دامەزراندنی وێستگەی کارەبای شەنافیە و دابینکردنی پێداویستییە پیشەسازییەکان و بازاڕی ناوخۆ و ڕەخساندنی هەلی کار.
پڕۆژەی پەرەپێدان و فراوانکردنی پاڵاوگەی دیوانیە بریتییە لە زیادکردنی یەکەی چارەسەرکردنی غازی شل بە توانای 180 تۆن لە ڕۆژێکدا و یەکەکانی هایدرۆجینکردنی نەفسا بە توانای 18 هەزار بەرمیل لە ڕۆژێکدا و باشترکردنی بەنزین بە توانای 10 هەزار بەرمیل لە ڕۆژێکدا و یەکە پێویستەکانی تر.
هەروەها پڕۆژەکە بریتییە لە کارگەیەکی بەرهەمهێنانی نایترۆجین بە توانای 1400 مەتر سێجا لە کاتژمێرێکدا، و کۆگایەک بۆ بارکردنی بەرهەمە کۆتاییەکان بە توانای 90 هەزار بەرمیل لە ڕۆژێکدا، جگە لە وێستگەی پەمپ و عەمبارکردن کە 24 تانکی نەوتی خاو و بەرهەمەکان لەخۆ دەگرێت، کارگەی پڕکردنەوەی غازی شل بۆ بەتاڵکردنەوەی غازی شل بەرهەمهێنراو، و وێستگەیەکی پەمپکردنی ئاو لە ڕووباری فورات لەگەڵ یەکەی چارەسەرکردنی ئاوی سەرەتایی، و یەکەی پاککردنەوەی ئاوی RO، چارەسەرکردنی ئاوی پیشەسازی، و ئامادەکردنی سۆدەی سوتێنەر، جگە دروستکردنی هەموو کارە شارستانییەکان و ژێرخانەکان.
