فێربوونی قووتدانی حەب ئاڵنگارییەکی باو و ئاساییە بۆ منداڵان و بە هەمان شێوەش بۆ هەندێک لە گەورەکان.
بۆ زۆرێک لە منداڵان لەوانەیە حەبەکان زۆر گەورە دەرکەون یان قووتدانیان قورس بێت، ئەمەش دەبێتە هۆی بەرگری لە خواردنی دەرمانەکە، بەتایبەتی ئەگەر تامەکەی ناخۆش بێت.
جێنیفر بوتچەر، پسپۆڕی دەروونناسی منداڵان ڕوونی دەکاتەوە، ئەم کێشەیە باو و ئاساییە بەڵام دەتوانرێت بە تەکنیک و شێوازی وردە وردە چارەسەر بکرێت.
دەشڵێت “بۆ منداڵ، بیرۆکەی قووتدانی حەب دەتوانێت وەک ئاڵنگارییەکی گەورە دەرکەوێت، ڕەنگە حەبەکە بەلای ئەوانەوە گەورە بێت، بەڵام دایک و باوک دەتوانن منداڵەکانیان دڵنیا بکەنەوە کە بەبێ کێشە پارچە خۆراکی زۆر گەورەتر قووت دەدەن”.
خۆشبەختانە چەند ڕێگەیەک هەیە کە دایکان و باوکان دەتوانن بەکاریبهێنن لە ڕاهێنانی منداڵەکانیان بۆئەوەی دەرمانەکان بەئاسانی بەکاربهێنن ، لە هەمان کاتدا هەنگاوێکیشە بۆ کەمکردنەوەی ئەگەری ڕشانەوە، بەتایبەتی لەکاتی خواردنی ئەو دەرمانانەی تامێکی ناخۆشیان هەیە یان بۆنێکی ناخۆشیان هەیە.
کۆمەڵێک هەڵە هەن کە دایک و باوک لەکاتی پێدانی دەرمان بە منداڵەکانیان ئەنجامی دەدەن ئەمەش وادەکات پرۆسەکە ناخۆش و هەندێکجار ترس لای منداڵەکە دروستبکات، بەتایبەتی کاتێک منداڵ بەردەوام دەبێت لە بەرەنگاربوونەوەی قووتدانی دەرمانەکە، لێرەدا چەند هەڵەیەکی باو دەخەینە ڕوو.
شاردنەوەی گرژی یان تووڕەیی
ئەگەر منداڵەکە سەرنجی گرژی دایک و باوکی بدات، ئەوا زیاتر دەترسێت و دوودڵ دەبێت.
بیرنەکردنەوە لە کێشەکانی قووتدان یان دواکەوتنی گەشەکردن
هەندێک منداڵ کە کێشەی قووتدان یان دواکەوتنی گەشەکردنیان هەیە پێویستیان بە ئامۆژگاری یان پسپۆڕ هەیە بۆئەوەی یارمەتییان بدات، وەک پزیشکی نەخۆشیەکانی قسەکردن یان چارەسەرکاری پیشەیی.
هەنگاوی ئاسان بۆ فێرکردنی منداڵەکەت بۆ قووتدانی حەب
دەتوانیت لەکاتی خواردنی دەرمانی شل دەست بە ڕاهێنان بکەیت، چونکە ڕەنگە کرداری قوتدانەکە ئاسانتر بکات.
پاداشت بچووک بەکاربهێنە
پێدانی پاداشت بچووک وەک ستیکەر یان کورتە چیرۆک بە منداڵەکەت دەتوانێت پاڵنەرەکانی بەرز بکاتەوە، ئەمەش هەنگاوێکی باشە بۆئەوەی دایکان و باوکان متمانە بە توانای منداڵەکە نیشان بدەن بۆ سەرکەوتن.
ڕاست دابنیشە و قوومێک ئاو بخۆرەوە
منداڵەکەت بەشێوەیەکی ڕاست دابنێ و پێشئەوەی حەبەکەی پێ قوت بدەیت قومێک ئاوی بدەرێ، ئەمەش دەتوانێت یارمەتیدەر بێت بۆ ئەوەی کارەکە ئاسانتر بێت،
لەحەبی بچووکەوە دەستپێبکە
دەنکۆڵەیەکی زۆر بچووک بخەرە سەر ناوەڕاستی زمانی منداڵەکە و با ئاو بخواتەوە بۆ ئەوەی قوتی بدات، ئەگەر سەرکەوتوو بوویت، دەتوانیت وردە وردە بچیتە قەبارەیەکی گەورەتر.
بەڵام لەبیرت بێت کە هەندێک دەرمان نابێت وردبکرێن یان بشکێنرێن بۆ پارچەی بچووک بۆ ئەوەی باشترین کاریگەری بەدەست بهێنیت، بۆیە پێویستە پێش ئەوەی دەرمانەکە بشکێنیت بۆ پارچەی بچووک ڕاوێژ بە پزیشکەکەت بکەیت.
ڕێگای داهێنەرانە بۆ بەرەنگاربوونەوەی ڕشانەوە لەکاتی خواردنی دەرمان:
- دەرمانەکە وەکو ئایسکرێم بەستوو بکە.
ئەگەر دەرمانەکە شل بێت دەتوانرێت لەناو دەفری ئایسکرێمێکی بچووکدا بەستوو بکرێت، سەرما هەستیاری تام کەمدەکاتەوە و زمان بێهۆش دەکات، ئەمەش ئەگەری ڕشانەوە کەمدەکاتەوە.
- جوینی کۆکە یان نەعنا پێش فێڵی دەرمان
پارچەیەک لە کۆکی نەعنا یان سەهۆڵێک پێش خواردنی دەرمانەکە دەبێتە هۆی کەمکردنەوەی هەستکردن بە ڕشانەوە.
- بەکارهێنانی پەڕۆ
دانانی دەرمانەکە لەناو کوپێکی بچووکدا لەگەڵ شەربەتێکی دڵخواز و بەکارهێنانی پەڕۆیەکی تەنک بەرکەوتنی دەرمانەکە لەگەڵ زمان کەمدەکاتەوە.
ڕەنگە سەهۆڵ یارمەتی هێورکردنەوەی سیستەمی دەمار بدات و فشاری دەروونی کەم بکاتەوە کە پەیوەندی بە قووتدانی دەرمانەکانەوە هەیە.
- دەرمانەکە بخەرە ناو کەپسولێکی جەلاتین.
کەپسولی جەلاتینی بەتاڵ دەتوانرێت لە دەرمانخانە بکڕدرێت و دەرمانەکە لەناویاندا دابنرێت.
- بەکارهێنانی بۆن یان زەیتی سروشتی
هەندێک لە منداڵان بەهۆی بۆنی دەرمانەکەوە تووشی ڕشانەوە دەبن، بۆیە دەتوانرێت دڵۆپێک زەیتی لاڤاندەر یان ڤانێلا بخرێتە سەر دەست بۆ ئەوەی سەرقاڵیان بکات.
6. دانانی منداڵەکە بەشێوەی دروست
نابێت دەرمانەکە بدرێت بە منداڵەکە کە پاڵکەوتووە بەڵکو باشترە لە دۆخی دانیشتندا بێت و سەری کەمێک بەرەو پێشەوە بێت.
- قووتدانی خێرا لەگەڵ فێڵی هەناسەدان
فێرکردنی منداڵەکەت هەناسەیەکی قووڵ هەڵمژێت و دواتر بە خێرایی دەرمانەکە بخواتەوە، ئەمە یارمەتی کەمکردنەوەی هەستکردن بە ڕشانەوە دەدات.
- کاریگەری ساردکردنەوەی پشت گوێ
دانانی سەهۆڵ لە پشت گوێ یان لەسەر مل ڕەنگە یارمەتیدەر بێت بۆ هێورکردنەوەی دەماری ڤاگۆس کە ڕۆڵی هەیە لە کۆنترۆڵکردنی ڕەفڵەکسەکانی وەک سکچوون و ڕەفڵەکسی گاگ.
باشترین ڕێگا بۆ قووتدان
حەبەکە بخەرە ناوەڕاستی زمان یان کەمێک بۆ دواوە، پاشان قوومێکی مامناوەند ئاو بخۆرەوە، لە کاتی قووتداندا سەرت کەمێک بەرەو پشتەوە بەرزبکەرەوە، ئەمەش یارمەتی حەبەکە دەدات ڕاستەوخۆ بخلیسکێتە ناو قوڕگتەوە، ئەگەر گرفتت هەبوو دەتوانیت ئاو بخۆیتەوە لەگەڵ حەبەکە، ئەمەش قووتدان ئاسانتر دەکات بەبێ ئەوەی هەستی پێبکەیت.
