کۆمیسیۆنی ئەوروپا لێکۆڵینەوەیەکی لە پلاتفۆرمی بازرگانی ئەلیکترۆنی چینی “شین” دەستپێکردووە لە بەرامبەر پێشێلکردنی یاساکانی یەکێتی ئەوروپا سەبارەت بە پاراستنی بەکاربەران.
ئەمڕۆ چوارشەممە، کۆمیسیۆنی ئەوروپا لێکۆڵینەوەیەکی لە پلاتفۆرمی بازرگانی ئەلیکترۆنی چینی “شین” کردۆتەوە، لە بەرامبەر پێشێلکردنی یاساکانی یەکێتی ئەوروپا سەبارەت بە پاراستنی بەکاربەران.
بەرپرسێکی ئەوروپی لە برۆکسل لە لێدوانێکی ڕۆژنامەوانیدا ڕایگەیاند، گومان هەیە لە پێشێلکردنی یاساکانی یەکێتی ئەوروپا سەبارەت بە مەرجە نادادپەروەرەکانی گرێبەست و دانانی نرخ و شێوازی بازرگانی نادادپەروەرانە.
کۆمسیۆن ئاماژەی بەوەشکردووە، “لێکۆڵینەوەکە لەلایەن دەسەڵاتە نیشتمانییەکانی پاراستنی بەکاربەران لەسەر ئاستی یەکێتی ئەوروپا لەژێر چاودێری کۆمسیۆندا ئەنجامدەدرێت”.
پێشتر لە مانگی حوزەیران کۆمسیۆن داوای زانیاری وردی لە “شێن” کردبوو سەبارەت هەوڵەکانیان بۆ بەرەنگاربوونەوەی بەرهەمە نایاساییەکان، و ماددە قەدەغەکراوەکان، و تائێستا وەڵامێکی ئەوتۆیان پێنەدراوەتەوە.
