ئەنجوومەنی باڵای دادوەری لەبارەی ڕاگتنی سێ یاسا هەڵوێستی ڕاگەیاند و دەڵێت” ناکرێت یاساکانی باری کەسێتی و موڵک و ماڵ تانەیان لێبدرێت”.
ئەمڕۆ 5ـی شوباتی 2025، ئەنجوومەنی باڵای دادوەری، لە بلاوکراوەیەکدا ڕایگەیاند، دادگاکان پابەندن بە جێبەجێکردنی یاسای لێبوردنی گشتی، ئەمەش لەپاش ئەوەی کە پەرلەمانی عێراق لە 21ـی کانوونی دووەمی 2025 دەنگی لەسەرداوە.
ئاماژەی بەوەشکردوە، بەپێی دەستوور و بەمادەی 129، راگرتنی جێبەجێکردنی یاساکان قەدەغەدەکرێت، بەمەرجێک بڕیاری کۆتایی دەرنەچووبێت کە بە نادەستووری بزانێت.
ئەنجوومەنەکە جەختیشدەکاتەوە، هەموواری یاسای لێبوردنی گشتی بەپێی دەقەکان و ئەو رێنماییانە جێبەجێدەکرێت کە لەلایەن ئەنجوومەنی باڵای دادوەرییەوە دەرچووە، و ناکرێت یاساکانی باری کەسێتی و موڵک و ماڵ تانەیان لێبدرێت، پێش ئەوەی لە رۆژنامەی فەرمی بڵاوبکرێنەوە.
جێی باسە دەرکردنی (فەرمانی وەلائی)، لەلایەن دادگای باڵای فیدڕاڵیی عێراقەوە بۆ راگرتنی جێبەجێکردنی پڕۆژەیاسا پەسەندکراوەکانی ھەموواری باری کەسێتی، لێبوردنی گشتی و گەڕاندنەوەی زەوی و زارە زەوتکراوەکان بۆ خاوەنەکانیان، ناڕەزایەتی لێکەوتەوە و لەچەند ناوچەیەک وەک نارەزایی کرایە پشوو و دەنگدانەوەی ناوخۆیی عێراقی لێکەوتەوە و لەسەرئاستی یاسایش ئەنجوومەنی دادوەری هێنایە قسە.
