وەزارەتی دارایی: پارەی مووچەی مانگی یەک گەیشت

وەزارەتی دارایی و ئابووری هەرێم گەیشتینی مووچەی مانگی فەرمانبەران و مووچوخۆرانی ڕاگەیاند کە بڕەکەی زیاتر لە 958 ملیار دینارە.

بەپێی ڕاگەیەندراوی وەزارەتی دارایی و ئابووری هەرێم، تیایدا هاتووە: ڕۆژی سێشەممە، بڕی (958،012،332،759) دینار وەک شایستەی مووچەی مانگی کانونی دووەمی ساڵی 2025ی فەرمانبەران و مووچەخۆرانی هەرێمی کوردستان، لەلایەن وەزارەتی دارایی حکومەتی فیدراڵەوە خرایە سەر هەژماری بانکی وەزارەتی دارایی و ئابوری هەرێمی کوردستان لە لقی هەولێری بانکی ناوەندی عێراق.

دەشڵێت: تیمەکانی وەزارەتی دارایی سەرقاڵی تەواوکردنی ڕێکارەکانی وەرگرتنی تەمویلەکەن و لەنزیکترین کاتدا دەست بەدابەشکردنی مووچە دەکرێت.