چوارچێوەی هەماهەنگی پەسەندکردنی هەموارکردنەوەی بودجەی لەلایەن ئەنجومەنی نوێنەرانەوە بەرز نرخاند و وێڕای ستایشی رێوشوێنەکانی حکومەت لەسەر ئاستی ناوخۆیی و نێودەوڵەتی، پێشوازی لەو سەقامگیرییە کرد کە لە ناوچەکەدا بووە.
ئەمڕۆ سێشەممە، بەشی راگەیاندنی چوارچێوەی هەماهەنگی ڕاگەیەندراوێکی بڵاوکردەوە و دەڵێت: “چوارچێوەی هەماهەنگی بە ئامادەبوونی سەرۆک وەزیران لە نووسینگەی هادی عامری کۆبوونەوەی ئاسایی خۆی ئەنجامدا و گفتوگۆیان کرد، دوایین پێشهاتەکانی گۆڕەپانی عێراق و نێودەوڵەتی باس کرا”.
باسی لەوەشکردوەە، “چوارچێوەی هەماهەنگی ئەدای ئەنجومەنی نوێنەران و پەسەندکردنی هەموارکردنی بودجەی بەرز نرخاند، دەستخۆشی لە رێوشوێنەکانی حکومەت کرد لەسەر ئاستی ناوخۆیی و نێودەوڵەتی”.
چوارچێوەی هەماهەنگی دەشڵێت: “چوارچێوەی هەماهەنگی پێشوازی لەو سەقامگیرییە کرد کە لەمەودوا هەرێمی تیادایە”.
ڕۆژی یەکشەممە، ئەنجومەنی نوێنەرانی عێراق دەنگی بە هەمواری یاسای بودجەدا، کە مادەی 12 پەیوەستە بە دەستپێکردنەوەی هەناردەی نەوتی هەرێم، بۆ ئەوەش لە بەرانبەر دەرهێنانی هەر بەرمیلێک نەوت 16 دۆلار دیاریکراوە و نەوتەکەش لە ڕێگەی کۆمپای سۆمۆوە هەناردەی دەرەوە دەکرێت.
