ئەمینداری یەکگرتوو پەیامی بۆ مامۆستایانی مانگرتوو نارد

ئەمینداری گشتی یەکگرتوو پەیامێک ئاراستەی مامۆستایانای مانگرتوو دەنێرێت و دەڵێت” دروود بۆ ئەو هیممەتە بڵندو فەرهەنگە باڵایەتان”.

سەڵاحەدین بەهائەدین، ئەمینداری گشتی یەکگرتوو پەیامێکی بۆ مامۆستایانی مانگرتوو دەنێرێت و رایگەیاند، بەدڵێکی نیگەران و هەستێکی بەحەسرەتەوە ،پەیامێکی برایانەی هاوسۆزی ونرخاندن ئەنێرم بۆ ئەو خوشک وبرا بەرێزە مانگرەی کەلەبری هەموو هاووڵاتیانی کوردستان بەم سەرماسۆڵەیە خۆیان خستوەتە نارەحەتی ومەترسی تەندروستیەوە.

ئاماژەی بەوەشداوە، دروود بۆ ئەو هیممەتە بڵندو فەرهەنگە باڵایەتان ، سڵاو بۆ هەموو ئەوانەی هاوسۆزو هاوکارتانن ،لەچالاکەوان و میدیاکار وسیاسەتمەدار ومافپەروەران ومرۆڤدۆستان.

دەقی پەیامەکەی سەڵاحەدین بەهائەدین:

بسم اللە الرحمن الرحیم

‏بەدڵێکی نیگەران و هەستێکی بەحەسرەتەوە ،پەیامێکی برایانەی هاوسۆزی ونرخاندن ئەنێرم بۆ ئەو خوشک وبرا بەرێزە مانگرەی کەلەبری هەموو هاووڵاتیانی کوردستان بەم سەرماسۆڵەیە خۆیان خستوەتە نارەحەتی ومەترسی تەندروستیەوە ،تا حاڵەتی برسیکردن وستەمی بێپاساوی ئەم هەرێمە ،بەو دیمەنە ناخ هەژێنە نمایش بکەن و بیکەنە پەیامی سکاڵای حاڵی ئەم میللەتە بەگشتی و موچەخۆران بەتایبەت بگەییەنە هەمو جیهان ،وەک شێوازێکی سەردەم وئاشتیانە ، دروود بۆ ئەو هیممەتە بڵندو فەرهەنگە باڵایەتان ، سڵاو بۆ هەموو ئەوانەی هاوسۆزو هاوکارتانن ،لەچالاکەوان و میدیاکار وسیاسەتمەدار ومافپەروەران ومرۆڤدۆستان .

‏بەهیوای بەئاگاهاتنەوەی دەسەڵاتدارانی بێباک ودۆزینەوەی چارەسەری خێرا..

‏هەردەم سەرکەوتوبن ..

‏برای دڵسۆزتان

‏صلاح الدین