ئەمڕۆ دووشەممە 3ـی شوباتی 2025، ماوەی گواستنەوەی زستانە لە ئەوروپا کۆتایی دێت، هاوکات یانەکان هەوڵدەدەن گرێبەستەکانیان کۆتایی پێبهێنن پێش تەواوبوونی کاتەکە.
بۆ ئەم مێرکاتۆیە چەند یانەیەک ڕەنگە چانسی بەدەستهێنانی یاریزانی نوێیان نەبێت، لەوانە یانەی ئەستۆن ڤێلا لە ماوەی گواستنەوەی یاریزاناندا سەرقاڵی یارییەکان بووە و ڕەنگە هیچ گرێبەستێکی تەواو نەکردبێت.
دوای فرۆشتنی جۆن دۆران بە یانەی نەسری سعودی و گرێبەستکردن لەگەڵ مارکوس ڕاشفۆرد بە خواستن لە یانەی مانچستەر یونایتد، ئەستۆن ڤێلا ڕەنگە بگەڕێتەوە ناو بازاڕ بۆ گواستنەوەی هێرشبەرێکی دیکە، ئەویش مارکۆ ئەسینسیۆی یاریزانی پاریس سانجێرمانە.
هەندێک گومان هەیە سەبارەت بە داهاتووی ئۆلی واتکینزی هێرشبەری یانەی ئەستۆن ڤێلا، بەپێی زانیارییەکان هێرشبەرە نێودەوڵەتییەکەی ئینگلتەرا ئامانجی ئارسناڵە، کە هەوڵدەدات هێرشەکانی بەهێزتر بکات بۆ ئەوەی چانسی ڕکابەریکردنیان بۆ نازناوی خولەکە زیاد بکات.
هەریەک لە یانەی ئارسناڵ و مانچستەر یونایتد بۆ گواستنەوەی ماتیس تێل هێرشبەری یانەی بایرن میونشن هەوڵدەدەن.
مان سیتی هەوڵدەدات وەرزەکەی ڕزگار بکات
لە هەوڵێکدا بۆ ڕزگارکردنی وەرزی ئێستا کە تا لە کۆتایی ساڵی 2024 وە بۆی بووەتە قەیران، هاوکات دوێنێشەویش کۆسپێکی تری هاتەبەردەم بە دۆڕاندنەکەی بە ئارسناڵ بە ئەنجامی 1-5، مانچستەر سیتی لە مانگی یەکدا هەنگاوی ئاسایی خۆی نا و نزیکەی 150 ملیۆن دۆلاری بۆ خەرج کرد 3 گرێبەستی نوێ بۆ بەهێزکردنی پێکهاتەکەی سەرفکرد.
یانەی مانچستەر سیتی بە بڕی 73 ملیۆن دۆلار عومەر مارمووشی میسری و عەبدولقادر خوسانۆڤی بەرگریکاری لە یانەی لێنس و ڤیتۆر ڕیێس بە بڕی 73 ملیۆن دۆلار کڕیوە.
دۆخی مان سیتی قورسە دوای ئەوەی لە یارییەکانی پلەی ئۆف بۆ قۆناغی 16 بەرامبەر یانەی ڕیال مەدرید یاری دەکات.
پاریس سانجێرمان دەگەڕێتەوە بۆ گرێبەستە گەورەکان
یانەی پاریس سانجێرمان لەماوەی چەند ساڵی ڕابردوودا بەشێکی زۆری هێزی ئەستێرەکانی لەدەستدا، دوای ڕۆیشتنی لیۆنێل مێسی و نەیمار و کیلیان مباپێ، دوای ئەوەی ستراتیژی یانەکە گۆڕا بۆ ئەوەی زیاتر گرنگی بە یاریزانە لاوەکان و بەهرەمەندە فەرەنسییەکان بدات، نەک ناوە گەورەکان.
بەڵام گرێبەستکردن لەگەڵ خڤیچا کڤاراتشێلیا لە یانەی ناپۆلی بە بڕی 72 ملیۆن دۆلار کە ڕاپۆرتەکان باس دەکرێت، شتێکی دیکەی گەورەیە.
ڕەنگە هێرشبەرە جۆرجییەکە لە هەمان ئاستی مێسی و نەیماردا نەبێت، بەڵام بەهۆی توانای بردنەوەی یارییەکانەوە، لە مێژە لە ڕیزی ئەو یاریزانانەیە کە زۆرترین داواکاری لەسەرە لە ئەوروپا.
ڕاندال کۆلۆموانی هێرشبەر وەرزی ڕابردوو بە بڕی 101 ملیۆن دۆلار پەیوەندی بە پاریس سانجێرمانەوە کرد و بە خواستن بەرەو یۆڤانتۆس ڕۆشت و میلان سکرینیاری بەرگریکاریش ڕوو لە یانەی فەنرباخچە دەکات.
گواستنەوەکانی سعودیە چۆن دەبێت؟
مانەوەی نەیمار لە سعودیە کۆتایی هات، دوای ئەوەی هەفتەی ڕابردوو گرێبەستەکەی لەگەڵ یانەی هیلالی سعودی هەڵوەشاندەوە، ئەستێرە بەڕازیلییەکە گەڕایەوە یانەی سانتۆس.
شانبەشانی کریستیانۆ ڕۆناڵدۆی پورتوگالی و کەریم بنزیمەی فەرەنسی، نەیمار، ئەستێرەی پێشووی بەرشەلۆنە و پاریس سانجێرمان، یەکێک بوو لە یاریزانە دیارەکان کاتێک سعودیە هەڵمەتێکی بۆ گواستنەوەی باشترین یاریزانەکانی جیهان دەستپێکرد، بەڵام پێکانەکەکانی وایکرد نەیمار تەنها حەوت یاری لەگەڵ یانەی هیلال ئەنجامدا دوای گواستنەوەی لە ساڵی 2023 بە بڕی 98 ملیۆن دۆلار ، ڕۆیشتنیشی بووە هۆی کۆتایی هاتنی ئەزموونەکەی لە سعودیە بە شێوەیەکی نائومێدکەر.
پێشتر جۆردن هێندێرسۆن دوای تەنها شەش مانگ یانەی ئیتیفاقی بەجێهێشت و پەیوەندی بە یانەی ئەیاکسی هۆڵەندییەوە کرد.
دیارترین گرێبەست لە خولی سعودیە لە ماوەی گواستنەوەی ئێستادا دوران بوو، چونکە هێرشبەرە کۆڵۆمبییەکە لە یانەی ئەستۆن ڤێلاوە پەیوەندی بە ڕۆناڵدۆوە کرد لە یانەی نەسر بە بڕی 64 ملیۆن پاوەند کە دەکاتە 80 ملیۆن دۆلار.
ڕەنگە لە داهاتوودا ناوی گەورەتریش بێتە ئاراوە، چونکە محەمەد سەڵاح ئەستێرەی یانەی لیڤەرپوول پەیوەندی بە سعودیەوە کردووە کاتێک گرێبەستەکەی لەگەڵ لیڤەرپووڵی ئینگلیزی لە کۆتایی وەرزی ئێستادا کۆتایی دێت.
