وەزیری دارایی هەرێم چارەسەری گرفتی مووچەی بۆ ساڵی 2025 راگەیاند و وتی: “بۆ ساڵی 2025 گرفتی مووچە نەما و دابین دەکرێت”.
ئاوات شێخ جەناب، وەزیری دارایی هەرێم، لە کۆنفرانسێکی ڕۆژنامەوانیدا ڕایگەیاند، ماوەی زیاتر لە 10 ڕۆژە لە هەرێم و بەغدا لەگەڵ تیمی تەکنیککاری هەرێم و بەغدا سەرقاڵی گرفتی مووچەین و ئەمرۆ ڕێککەتن کرا، ئەمەش بەرهەمی ئەو سیاسەتەیە کە کابینەی نۆ پەیڕەوی دەکات، ئەویش چارەسەرکردنی سەرجەم گرفتەکانی هەرێم بوو لەگەڵ بەغدا.
ئاماژەی بەوەشدا، بڕیارە لە سبەی یان دوو سبەی، دەست بە دابەشکردنی مووچە دەکرێت، و بۆ ساڵی 2025 سەرجەم گرفتی مووچە چارەسەر کرا و هیچ گرفتێک بۆ مووچەی ئەمساڵ نەماوە.
ڕاشیگەیاند، مووچەخۆران ماوەی زیاتر لە 10 ساڵە گرفتیان هەیە و شایستەی زۆر لەوە زیاترن، ئەمڕۆ بە ڕێککەوتنێک سەرجەم گرفتەکانی کۆتاییپێهێنا و ئەمساڵ مووچەی تەواو دەدرێت.
