نرخی زێڕ بۆ بەرزترین بەهای لە مێژوودا تۆماركرد و بەهای یەك ئۆنسەی لە 3 هەزار دۆلار نزیك بۆتەوە و بەڕێژەی 22% بەرزبۆتەوە.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، نرخی زێڕ بەشێوەیەكی بەرچاو بەرزبۆتەوە و هۆكارەكەشی دەگەڕێتەوە بۆ ترسی وەبەرهێنەران.
ئاماژەی بەوەشكرد، بەهای زێڕ بەڕێژەی 22% بەرزبۆتەوە و نرخی یەك ئۆنسە گەیشتۆتە 2 هەزار و 810 دۆلار و ئەگەری هەیە زیاتر بەرزببێتەوە.
ئاشكراشی كرد، بەهای یەك مسقاڵ زێڕی عەیار 24 گەیشتۆتە 675 هەزار دینار و عەیاری 21 بووە بە 590 هەزار دینار و عەیاری 18 بووە بە 506 هەزار دینار.
