نرخی ئەمپێری مۆلیدە بۆ مانگی یەک دیاریکرا

کارەبای سلێمانی نرخی ئەمپێری مۆلیدەی بۆ مانگی یەک ڕاگەیاند و باسی لەوەشكرد، نرخی ئەمپێرێک کارەبا لەنێوان 15 بۆ 16 هەزار دیناردایە.

بەپێی ڕاگەیەندراوی بەڕێوەبەرایەتی گشتی کارەبای سلێمانی، ئه‌مڕۆ دووشە‌ممه‌، لیژنەی دیاریكردنی نرخی مۆلیده‌ ئه‌هلییه‌كان کۆبووەوە و به‌پێی نرخی سوته‌مه‌نی له‌ بازاڕه‌كاندا نرخی هه‌ر كاتژمێرێك کارەبای موەلیدە بۆ یه‌ك ئه‌مپێر (44) دینارە،‌ به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له‌ ناوشاری سلێمانی له‌ نێوان 15 بۆ 16 هەزار دیناره‌.

باسی لەوەشکردووە: بەو پێیەى مۆلیدەکان لە نێوان (340 بۆ 360) کاتژمێر کاریان کردوە، به‌هۆی جیاوازی كارکردنیان نرخی ئه‌مپێرێك له‌ گه‌ڕه‌كێك بۆ گه‌ڕه‌كێكی دیكه‌ جیاواز ده‌بێت.

ئەوەشی وتووە: سەبارەت بە ئەو مۆلیدانەی کە بەرنامەی کارکردنیان لەسەر داوای هاووڵاتییان لە شوێنەکانی تر زیاترە و لە حەوت بەیانی بۆ یەکی شەو کاردەکەن نرخی ئەمپێرێک لە نێوان 18 بۆ 19 هەزار دینارە.

خشته‌ی كارپێكردنی مۆلیده‌ بۆ مانگى شوبات بەمشێوەیە دەبێت:

رۆژانە لەکاتژمێر 12:00ی نیوەڕۆ تا یەکی شەو کاردەکەن.

کاتژمێر یەکی شەو دەکوژێتەوە تا 6:30ی بەیانی.

کاتژمێر 6:30ی بەیانی تا 8:00ی بەیانی کاردەکەن.

لیژنه‌ی دیاریكردنی نرخی مۆلیده‌ ئه‌هلییه‌كان، جه‌ختیان له‌وه‌كردوه‌ته‌وه‌ كه‌ له‌كاتی كوژاندنه‌وه‌ی كاره‌بای نیشتیمانی نابێت كارپێكردنی موه‌لیده‌ و پێدانی كاره‌با به‌ هاووڵاتییان له‌ پێنج خوله‌ك زیاتر بخایه‌نێت، به‌پێچه‌وانه‌وه‌ خاوه‌ن موه‌لیده‌كه‌ سزاده‌درێت.

پەیوەنیدر