دەزگای دژەتیرۆر ڕایگەیاند ئەو درۆنەی لە کێڵگەی کۆرمۆر تەقییەوە، لە ناوچەی بەشیرەوە ئاڕاستە کراوە.
ئەمشەو بەڕێوبەرایەتی گشتیی دژەتیرۆر ڕاگەیەندراوێکی دەربارەی هێرشەکەی سەر کێڵگەی کۆرمۆر بڵاوکردەوە کە ئەەم دەقەکەیەتی:
لە کاتژمێر 07:05ی ئێوارەی ئەمڕۆ، هێرشێکی درۆنی (بۆمبڕێژکراو) ئاراستەی کێڵگەی غازی کۆرمۆر کرا، کە دەکەوێتە سنووری چەمچەماڵ.
بەپێی زانیارییە هەواڵگرییەکان، درۆنەکە لە ناوچەی بەشیرەوە ئاراستە کراوە و لەلایەن گرووپە میلیشیا و یاساشکێنەکانەوە جێبەجێ کراوە.
هێرشەکە هیچ زیانێکی گیانی و ماددی بەدواوە نەبوو و کێڵگەکە و کۆمپانیای دانەغاز بە تەواوی پارێزراون.
دەزگا ئەمنییەکان دڵنیایی دەدەنە هاوڵاتیان کە بە وردی بەدواداچوون بۆ ئەم پێشێلکارییە دەکەن و هەر زانیارییەکی نوێ لەم بارەیەوە ڕادەگەیەنرێت.
