کەمێک پێش ئێستا بەدرۆنێکی بۆمبڕێژکراو هێرش کرایە سەر کێڵگەی نەوت و غازی کۆرمۆر.
ئێواره‌ی ئه‌مڕۆ یه‌كشه‌ممه، فڕۆكه‌ی بێ فڕۆكه‌وان کێڵگەی غازی کۆرمۆری له قه‌زای چه‌مچه‌ماڵ به ئامانج گرت و قائیمقامیه‌تی قه‌زاكه‌ش ئه‌م ده‌نگۆیه‌ی پشتڕاستكرده‌وه و ئاماژه‌ی به‌وه‌دا، له كاتژمێر 7 بەدواوە درۆنێک کیڵگەی گازی کۆرمۆری بە ئامانج گرتووە و خۆشبەختانە هیچ زیانێکی گیانی نەبووە.
وەزارەتی سامانە سرووشتییەکانی هەرێم لە ڕاگەیەنراوێکدا ئاماژەی بەوەکردووە، کاتژمێر (7:05)ی ئێوارەی ئەمڕۆ هێرشێكی درۆنی كرایە سەر كێڵگەی غازی كۆرمۆر، بێ ئەوەی هیچ زیانێك بە كێڵگەکە و کۆمپانیای دانە غاز بگەیەنرێت.
ڕاشیگەیاندووە، بەرهەمهێنانی غاز لە کێڵگەی کۆرمۆر ئاساییە و پەستانی غاز بۆ وێستگەكانی بەرهەمهێنانی كارەبا تا ئێستا ئاساییە و هەڵسەنگاندن بۆ زیانە مادییەکانی هێرشەکە دەكرێت.
