سەرچاوە ئەمنییەکان کوژرانی والی کەرکوک بەهێرشی ئاسمانی ڕادەگەیەنن.
ئەمڕۆ یەکشەممە، سەرچاوەیەکی ئەمنی ڕایگەیاند، والی کەرکوک کە سەر بە داعشە لە هێرشێکی ئاسمانی ورد لەلایەن فڕۆکە جەنگییەکانی عێراق کوژراوە.
ئەو سەرچاوەیە ڕاشیگەیاند، لە ڕێگەی هێرشێکی ئاسمانی وردەوە کە بە پشتبەستن بە زانیاری و چاودێریکردن لەلایەن فڕۆکەی بێفڕۆکەوانەوە ئەنجامدرا، حەشارگەیەکی تیرۆریستانی داعش لەناوبرا و والی کەرکوکیش یەکێک بوو لەو کەسانە.
ئەو سەرچاوەیە وتیشی، هێزێکی ئەمنی سەر بە ئۆپەراسیۆنەکانی ڕۆژهەڵاتی سەلاحەدین لە شوێنی بۆردومانەکە 7 تەرمیان دۆزیوەتەوە کە یەکێکیان هی بەناو والی کەرکوک بووە، لەگەڵ مۆبایل و پشتێنەی تەقەمەنی و کەرەستەی لۆجستی جۆراوجۆر.
جەختیشیکردەوە، لە چوارچێوەی چاودێریکردن و بەدواداچوون بە بەکارهێنانی فڕۆکەی بێفڕۆکەوان، یەکێک لە فڕۆکەکان میوانخانەیەکی دیکەی نزیک لە ئامانجە بۆردومانکراوەکە دەستنیشانکردووە، چاودێرییەکان بەردەوامە بۆ ئەنجامدانی هێرشێکی ئاسمانی دیکە ئەگەر هەر جوڵەیەکی تێدا دەستنیشانبکرێت.
