کەمێك پێش ئێستا ئازادكردنی مامۆستا عەلی رەئوف، نوێنەری مامۆستایانی گرێبەست راگەیەنرا، دوای ئەوەی بەرەبەیانی ئەمڕۆ لەلایەن هێزێكی ئەمنییەوە لە هەولێر دەستگیركرا.
عەلی رەئوف، نوێنەری مامۆستایانی گرێبەست لە ئەكاونتی خۆیەوە لە فەیسبووك ئازادبوونی راگەیاند و دەڵێت، “سوپاس بۆ ئەو بەڕێزانەی پشتگیرییان كردین”.
نووسیویشیەتی، “دڵنیایی تەواو دەدەین بە مامۆستایانی گرێبەست، بەردەوام دەبین لە کاری نوێنەرایەتی”.
بەرەبەیانی ئەمڕۆ مامۆستا عەلی رەئوف لەلایەن هێزێكی ئەمنییەوە لە قەزای بەردەڕەش دەستگیركرا، دوای ئەوەی بەو كاتە هێزەكە هەڵیانكوتاوەتەسەر ماڵەكەی.
