لە ئاکامی بۆردومانێکی تورکیا 10 کەس لە کۆبانی برینداربوون و لە وەڵامیشدا هێزەکانی سووریای دیموکرات هێرشیان کردە سەر بنکەکانی تورکیا.
ئەمڕۆ یەکشەممە، هێزەکانی سووریای دیموکرات ڕایگەیاند، لە وەڵامی تاوانەکانی تورکیا و میلشیاکانی لە دژی هاووڵاتییانی باکوور و ڕۆژهەڵاتی سووریا، بنکە و پێگەکانی سوپای تورکیایان لە دەوروبەری پردی قەرەقۆزاق و باکووری بەنداوی تشرین و ریفی تەلتەمر کردە ئامانج.
ئەوەشی خستەڕوو کە دواتر دیمەنی هێرشەکان بڵاودەکەنەوە.
ئەم هێرشەی شەڕڤانان لە وەڵامی بۆردومانێکی دوێنی شەوی فڕۆکە جەنگییەکانی تورکیا بۆ سەر ماڵێکی گوندی ئەشمە هات کە بە هۆیەوە 10 کەس برینداربوون.
بە پێی ئەو دیمەنانەی کە لە لایەن ئاژانسی هەواڵی هاوارەوە بڵاوکراوەتەوە، زۆربەی قوربانییەکان منداڵن.
