وەزارەتی شارەوانی و گەشتوگوزاری حكومەتی هەرێم كوردستان ڕەزامەندی نیشاندا لەسەر خەرجكردنی گوژمەی پێویست بۆ دوو پرۆژەی خزمەتگوزاری و پەرەپێدانی ماستەرپلان لە سنووری پارێزگای دهۆك.
وەزارەتی شارەوانی و گەشتوگوزاری هەرێم بڵاویشیکردەوە: گوژمەی 44 ملیۆن و 893 هەزار دینار لەسەر ڕێژەی 15%ی داهاتی سەرۆكایەتیی شارەوانی دهۆك بۆ پرۆژەی دروستكردنی دیواری پاڵپشتی لە گەڕەكی پیشەسازیی شاری دهۆك و هەروەها دوو گوژمەش بۆ جێبەجێكردنی پرۆژەی پلانی ماستەرپلان لە سنووری سەرۆكایەتیی شارەوانیی ئاكرێ و بەڕێوەبەرایەتیی گشتیی گەشتوگوزاری دهۆك.
باسی لەوەشکردووە: جگە لەو پرۆژانە، ئێستا ژمارەیەك پرۆژەی تری خزمەتگوزاری لە سنووری سەرۆكایەتیی شارەوانیی دهۆك و بەڕێوەبەرایەتیی گشتیی شارەوانییەكانی دهۆك لە قۆناغی تەواوكردندان و پرۆژەی دیكەش لە پلاندان.

default