نوری مالكی، سه‌رۆكی هاوپه‌یمانیی ده‌وڵه‌تی یاسا دەڵێت، هه‌ندێك لایه‌ن له هه‌وڵی ئه‌وه‌دان پرۆسه‌ی سیاسیی عێراق تێكبده‌ن.
نوری مالكی لە وتەیەكدا كە له كۆنگره‌ی دامه‌زراندنی سه‌رۆك هۆز و شێخی عه‌شیره‌ته‌كان له كه‌ربه‌لا ڕایگه‌یاند، “هه‌ندێك لایه‌نی تایفی و كۆنه‌به‌عسی له عێراقدا هه‌ن، له هه‌وڵی ئه‌وه‌دان پرۆسه‌ی سیاسی له وڵات تێكبده‌ن، ئه‌گه‌ر هه‌وڵه‌كانیان سه‌ربگرێت، بۆ هه‌موومان ده‌بێته كاره‌سات و ده‌یانه‌وێت سیناریۆی سووریا له عێراقیش دووباره‌بكه‌نه‌وه”.
وتیشی، “پاشماوه‌كانی رێكخراوی تیرۆریستیی داعش و حزبی به‌عسی هه‌ڵوه‌شاوه، پێکەوە هه‌وڵی تێكدانی دۆخی عێراق ده‌ده‌ن، ده‌یانه‌وێت دووبه‌ره‌كی دروست بكه‌ن و ئه‌و ده‌ستكه‌وتانه‌ی له عێراقدا هاتوونه‌ته كایه‌وه، سه‌رجه‌میان له‌ناوببه‌ن و وڵات به‌ره‌و دیكتاتۆری ببه‌ن.”
جەختیشی كردەوە، ئێستا عێراق وڵاتێكی سه‌قامگیر و دیموكراتییه، وێڕای ئه‌وه‌ی هه‌ندێك كێشه هه‌یه و پێویسته بۆ چاره‌سه‌ركردنیان به وریاییه‌وه هه‌ڵسوكه‌وت بكرێت.
