وەزارەتی كشتوكاڵی عێراق ڕایدەگەیەنێت، بەمەرج ڕێگە دەدرێت بە بەردەوامبوونی هاتنە ناوەوەی پەلەوەر و بەرهەمەكانی لە هەرێمی كوردستانەوە بۆ شارەكانی دیكەی عێراق.
سامر حەبیب، بەڕێوەبەری گشتی بەشی ڤێتێرنەری لە وەزارەتی كشتوكاڵی عێراق لە لێدوانێكیدا بۆ ئاژانسی هەواڵی فەرمی (العراقیە) ڕایگەیاند، هاتنە ناوەوەی پەلەوەر و بەرهەمەكانی لە هەرێمی كوردستان قەدەغە كراوە تا ئەوكاتەی لەلایەن تاقیگە پزیشكییەكانەوە پشتڕاست دەكرێتەوە، كە پەلەوەر و بەرهەمەكان دوورن لە نەخۆشی ئەنفلۆنزای باڵندە.
ئاماژەی بەوەشكرد، تیمەكانی چاودێری و لێكۆڵینەوە لە نەخۆشخانە ڤێتێرنەرییەكانی عێراق بەردەوام دەبن لە پشكنین لەو ناوچانەی هاوسنوورن لەگەڵ شارەكانی هەرێمی كوردستان.
وتیشی، “تیمەكانی پشكنین چاودێری فرۆشتن و گواستنەوەی پەلەوەر و جۆرەكانی دیكەی باڵندەی ماڵی دەكەن و لە رێگای بەكارهێنانی ئامێری تایبەت و خێراوە بە مەبەستی پاراستنی كەرتی ئاژەڵداری لە ناوخۆی وڵات”.
