ئەندامێکی پەرلەمانی عێراق هۆشداری دەدات لە مەترسی هەرەسهێنانی ئابووری وڵات و دەڵێت: لەكاتی دابەزینی نرخی نەوت، حكومەت ناتوانێت مووچەی فەرمانبەران بدات.
عامر عەبدولجەبار، ئەندامی پەرلەمانی عێراق ڕایگەیاندووە، ئەو سیاسەتە نەختینەیەی بانكی ناوەندیی عێراق پەیڕەوی دەكات، شكستخواردووە و بەمنزیكانە ئەو سیاسەتە دەبێتە هۆی هەرەسهێنانی ئابووریی وڵات.
ڕاشیگەیاندووە، پارێزگاری بانكی ناوەندیی عێراق فرۆشتنی دۆلاری گەیاندۆتە 300 ملیۆن دۆلار لەڕۆژێكدا، ئەوەش كارێكی مەترسیدارە و ئاماژەیە بۆ زیادبوونی سپیكردنەوەی پارە و بردنەدەرەوەی دراوی بیانی، هەموو ئەوانەش دەبنە هۆی دروست بوونی هەرەسهێنانی ئابووری و كەموكوڕی گەورە لە پارەی نەختینەدا.
ئەو پەرلەمانتارە هۆشداری دەدات لەوەی، لەگەڵ دابەزینی نرخی نەوت، حكومەت ڕووبەڕووی ئاستەنگ دەبێتەوە لە دابینكردنی مووچەی مانگانەی فەرمانبەران و ناتوانێت وەك پێویست پارە دابین بكات.
