پۆلیسی سلێمانی دەستگیرکردنی کەسێکی بە تۆمەتی کوشتنی گەنجێک لە گەڕەکی کانی با ڕاگەیاند.
ئەمڕۆ شەممە، پۆلیسی پارێزگای سلێمانی ڕایگەیاند، دوێنێ شەو لە گەڕەكی كانی با گەنجێك لە ڕووداوێکدا بە چەقۆ كوژرا و تۆمەتبار هەڵات.
ڕوونیشیکردەوە کە “هێزەكانی پۆلیس گەیشتنە شوێنی ڕووداوەكەو لێكۆڵینەوە بۆ دۆزینەوەو دەستگیركردنی تۆمەتبار دەستیپێكرد، سەرەنجام توانرا لەلایەن نوسینگەی نەهێشتنی تاوانی كوشتن – بەشی پۆلیسی نەهێشتنی تاوانەوە لەماوەی كەمتر لە شەش کاتژمێردا تۆمەتبار بدۆزرێتەوەو دەستگیربكرێت”.
لە ڕاگەیەندراوەکەی پۆلیسی سلێمانیدا هاتووە کە ئێستا تۆمەتبار ( ل، ت، ح ) بەبڕیاری دادوەرو بەپێی ماددەی 406 لە یاسای سزادانی عێراقی ڕاگیراوەو دانی ناوە بە تاوانەكەیدا.
