لە چوارچێوەی جێبەجێکردنی قۆناغی یەکەمی ڕێککەوتنی ئاگربەستدا، سێ بارمتەکراوی ئیسرائیلی و زیاتر لە 180 زیندانیکراوای فەڵەستینی ئازاد دەکرێن.
بڕیارە ئەمڕۆ شەممە، بزووتنەوەی حەماس سێ بارمتەکراوی ئیسرائیلی ئازاد بکات و لە بەرامبەریشدا 183 زیندانییکراوی فەڵەستینی کە 111یان خەڵکی غەززەن، ئازاد دەکرێن.
حەماس ڕایگەیاند، ياردين بيباس، وكيس سيگال ئازاد دەکات کە ئەمەی دووەمیان هەردوو ڕەگەزنامەی ئەمریکی و ئیسرائیلی هەیە و سێیەمیشیان عوفەر كالديرۆنە کە ڕەگەزنامەی فەڕەنسی و ئیسرائیلی هەیە.
ڕۆژی پێنجشەممەی ڕابردووش حەماس سێ ئیسرائیلی و پێنج تایلەندیی لە بەرامبەر 110 زیندانییدا ئازاد کرد.
تا ئێستاش لە کۆی 33 بارمتەکرای ئیسرائیلی، 15یان ئازاد کراون و ئیسرائیلیش 400 زایندانیی ئازادکردووە.
