کۆبوونەوەی هەردوو شاندی وەزارەتی دارایی عێراق و هەرێم لە بەغداد کۆتایی هات و بڕیارە زانیاری لە بارەی ناوەرۆکی کۆبوونەوەکە ئاشکرا بکرێت.
نیوەڕۆی ئەمڕۆ هەینی لە بەغداد، شاندی وەزارەتی دارایی هەرێم لەگەڵ تەیف سامی، وەزیری دارایی عێراق کۆبوونەوە و کەمێک پێش ئێستا کۆبوونەوەکە کۆتایی هات.
ئاوات شێخ جەناب، وەزیری دارایی هەرێـم ڕایگەیاند: کۆبوونەوەیان لەگەڵ حکومەتی عێراق لەسەر مووچە ئەرێنی بووە و دانیشتنەکانیان بەردەوام دەبن.
کۆبوونەوەکە بۆ گفتوگۆکردن بوو لەسەر بودجەو مووچەی فەرمانبەرانی هەرێم و داهاتی ناوخۆ و یەکلاکردنەوەی مووچەی مانگی 12ی ساڵی 2024.
بەپێی زانیارییەکان بڕیارە سبەینێ شەممە جارێکی تر گەڕی دووەمی کۆبوونەوەکانی نێوان هەردوو شاندی دارایی هەرێم و عێراق ئەنجام بدرێت.
