شارەزایەکی ئابووری لەبارەی گرفتی مووچەی هەرێم زانیاری ئاشکرا دەکات و دەڵێت”مووچەی هەرێم زۆر بەرزبۆتەوە”.
نەبیل مەرسومی شارەزای ئابووری، ئەمڕۆ چوارشەممە 29ـی کانوونی دووەمی 2025 ڕایگەیاند، مووچەی فەرمانبەرانی کوردستان بۆ 13.2 ترلیۆن دینار لە ساڵی 2025دا بەرزدەبێتەوە.
مەرسومی لە میدیا عێراقییەکانی ڕاگەیاندووە “مووچەی فەرمانبەرانی کوردستان لە ساڵی 2025دا بۆ 13.2 ترلیۆن دینار بەرزبووەتەوە، ئەمەش دەرەئەنجامی ئەو بریارەیە کە حکومەت داویەتی بۆ خانەنشینبوونی 30 هەزار فەرمانبەر، کە دەبێت پاداشتی 12 مانگیان بۆ خەرجبکرێت.
پێشبینی دەکرێت ئەم زیادکردنە قەیرانی مووچە لە هەرێمی کوردستان کە یەکێکە لە ناکۆکییە هەرە دیارەکانی نێوان بەغدا و هەولێر قوڵتربکاتەوە، بەتایبەت تا ئەم ساتە هەردوو وەزارەتی دارایی عێراق و هەرێم هیچ چارەسەرێکی بنەرەتییان بۆ ئەم گرفتە نەدۆزیەوەتەوە و بەردەوامیشن لەسەر سیاسەتی خۆسەپاندن.
ئەمە لەکاتێکدایە، ڕۆژی دووشەممە 20ـی کانوونی دووەم، ئەحمەد حاجی ڕەشید ئەندامی پێشووی لیژنەی دارایی لە پەرلەمانی عێڕاق، لێدوانی بۆ میدیاکان دا و ڕایگەیاند، گرفتی مووچە بابەتێکە مانگانە نوێ دەکرێتەوە، هەر جارێکیش شاندەکان دەچن و پەیوەندییەکان دەکرێت، بەو هیوایەی چارەسەری کاتی بدۆزرێتەوە.
ئاماژه ی به وه شدا، “سەرچاوەی ئەو کێشەیە زانراوە، دەرئەنجامی جێبەجێنەکردنی مەرجەکانی ڕێککەوتنە تایبەتەکەی نێوان هەردوو حکومەت لەلایەن حکومەتی هەرێمەوەیە، هەروەها حکومەتی هەرێم نەیتوانیوە 50%ی داهاتی ناوخۆی هەرێم ڕادەست بکات، کە تەنها داهاتی شەش مانگی ڕادەستکردووە و ئەویتری نەداوە، ئەمەش هاووڵاتیانی کردۆتە قوربانی ئەو گرفتە.
ئاماژەی بەوەشکرد، هیچ ئومێدێک بۆ چارەسەری ڕیشەیی بۆ قەیرانی مووچە نییە، و تەنها بە چارەسەری کاتی دەمێنێتەوە.
