وەزیری نەوتی عێراق ئاشكرای دەكات، حكومەت پڕۆژەیەكی بۆ نەوتی هەرێم ناردۆتە پەرلەمان و وەزیری پێشووی نەوتیش دەڵێت: هیوادارن نرخی نه‌وت له 60 دۆلار دانه‌به‌زێت.
عه‌بدولجه‌بار لعێبی، وه‌زیری پێشووی نه‌وتی عێراق لە كۆنفڕانسی وزە لە بەغدا ڕایگه‌یاند، گۆڕانكاریه‌كانی ناوچه‌كه كاریگه‌رییان له‌سه‌ر نرخی نه‌وت ده‌بێت و هیوادارن نرخی نه‌وت له 60 دۆلار دانه‌به‌زێت.
دەشڵێت، “دەبێت پلانی باشترمان بۆ بەڕێوەبردنی نەوت هەبێت” و ئاشكراشی دەكات، سعودیە و ڕوسیا و ئەمریكا كیچبڕكێی نەوت دەكەن.
لای خۆشیەوە، حەیان عەبدولغەنی، وەزیری نەوتی عیراق وتی، “حکومەت پڕۆژە یاسایەکی پێشکەشی پەرلەمانی عێراق کردووە، کە تایبەتە بە ڕادەستکردنی نەوتی هەرێم و 16 دۆلاریش بۆ بەرهەمهێنانی هەر بەرمیلێک دیاریکردووە”.
وتیشی، “ئەم پڕۆژەیە بەردەوام دەبێت تا ئەو کاتەی لێکۆڵینەوەیەکی وورد لەسەر تێچووی بەرهەمهێنانی نەوتی هەرێم لە کێڵگەکان دەکرێت، لەبەرامبەریشدا هەرێمی کوردستان پێویستە ڕۆژانە بەلایەنی کەمەوە 250 بۆ 300 هەزار بەرمیل ڕادەستبکات بۆ ئەوەی لە ڕێگای سۆمۆوە هەناردەی دەرەوە بکرێت”.
ڕاشیگەیاند، “لە ئێستادا نرخی بەرمیلێک نەوت لە نێوان 70 بۆ 80 دۆلاردایە و هیواخوازین لەو ئاستەدا بمێنێتەوە یان کەمێک بەرزتر بێت”.
