وەزارەتی کارەبا بڵاویکردەوە: لە سنووری شارۆچکەی بازیان و بەردەقارەمان و چەمچەماڵ و ئاغجەلەر پڕۆژەى ڕاکێشانی هێڵى 33 کەی ڤیی (بەردەقارەمان – بازیان) و (بەردەقارەمان – تەکیە) بە بڕی 3.5 ملیار دینار جێبەجێ کرا.
باسی لەوەشکردووە: پڕۆژەکەی بازیان – چەمچەماڵ گرنگییەكی زۆری بۆ چارەسەرى کێشەى بارزۆریی وێستگەى 132 کەی ڤیی چەمچەماڵ هەیە، لەوانە کێشەی کەمیی ڤۆلتیەی ناحیەی ئاغجەلەر چارەسەر دەکات و سوودی بۆ ناوچەکانى بازیان و بەردەقارەمان و تەکیە هەبوو. پڕۆژەکە لە لایەن کۆمپانیای شاندزەوە جێبەجێ کرا.
