وەزارەتی نەوتی عێراق ئاشکرای دەکات، تا ئێستا هیچ بڕە نەوتێکی هەرێمی کوردستان نەدراوە بە کۆمپانیای سۆمۆ و دەشڵێت، سکاڵایان لەسەر وەزارەتی سامانە سرووشتییەکان تۆمار کردووە.
سۆران عومەر، پەرلەمانتاری کۆمەڵی دادگەری لە پەرلەمانی عێراق بڵاویکردەوە: دوای بەدواداچوون لەسەر نەوتی هەرێم و چەند کێڵگەیەکی نەوتیی، وەزارەتی نەوتی عێراق ڕایدەگەیەنێت لەسەر دەست بەسەراگرتنی هەندێ کێڵگەی نەوتیی سکاڵایان لەسەر وەزارەتی سامانە سروشتیەکان تۆمارکردووە.
دەشڵێت: وەزارەتی نەوتی عێراق وتوویەتی، تائێستا هیچ بڕە نەوتێکی هەرێم نەدراوە بە کۆمپانیای سۆمۆ.
ئەمە لەکاتێکدایە وێڕای ئەوەی باس لەوە دەکرێت کە ڕۆژانە نەوتی هەرێم بەشێوەی قاچاغ لە ڕێگەی سنوورەکانەوە دەڕواتە دەرەوە و دەفرۆشرێت، بەڵام تا ئێستا داهاتەکەی نەگەڕێندراوەتەوە بۆ خەزێنەی وەزارەتی دارایی.
