سەرۆکی دیوانی سەرۆکایەتی هەرێم دەڵێت، لێکتێگەیشتنی باش بۆ پێکهێنانی کابینەی دەیەمی حکومەت هەیە و لەوانەیە پێش هەڵبژاردنەکانی عێراق کابینەکە پێکبهێنرێت.
ئەمڕۆ سێشەممە، فەوزی هەریری، سەرۆکی دیوانی سەرۆکایەتی هەرێم بە میدیای پارتی وتووە، لێکتێگەیشتنەکان بۆ پێکهێنانی کابینەی دەیەمی حکومەتی هەرێمی کوردستان لە ئاستێکی باشدایە.
باسی لەوەشکردووە، کابینەی نوێی حکومەتی هەرێم لەوانەیە پێش هەڵبژاردنەکانی عێراق پێکبهێنرێت و لە ئێستادا کەشێکی ئەرێنی لە ئارادیە و لایەنەکان سوورن لەسەر پێکهێنانی کابیەی نوێ.
