بڕیارە کۆتایی ئەم هەفتەیە شاندی هاوبەشی وەزارەتی دارایی هەرێمی کوردستان و عێراق سەبارەت بە مووچە کۆببنەوە.
فوئاد حسێن، جێگری سەرۆک وەزیرانی عێراق ڕایگەیاند هه‌ینی داهاتوو شاندی هه‌ولێر و به‌غدا له‌باره‌ی مووچه كۆده‌بنه‌وه.
ئەوەشی خستەڕوو کە ئەمڕۆ لەگەڵ محەمەد شیاع سوودانی، سەرۆک وەزیرانی عێراقدا سەبارەت بە تێپەڕاندنی هەمواری یاسای بودجە قسەیان کردووە.
فوئاد حسێن کە هاوکات وەزیری دەرەوەی عێراقە، ئاشکراشیکرد کە لەگەڵ هاکان فیدان، وەزیری دەرەوەی تورکیادا باسیان لە دەستپێکردنەوەی هەناردەکردنەوەی نەوتی هەرێمی کوردستان کردووە.
بەڵام زانیاری زیاتری دەربارەی کاتی دەستپێکردنەوەی هەناردەکردنی نەوت ڕانەگەیاند.
