وەزارەتی پێشمەرگە ڕێنماییەکی هەشت خاڵی لەسەر خانەنشینی پێشمەرگە بڵاوکردەوە و دەڵێت” دەبن بە پێی یاسای ڕاژە و خانەنشینی سەربازی ژمارە(3)ی ساڵی 2010 خانەنشین دەکرێن”.
وەزارەتی پێشمەرگەی حکومەتی هەرێم، ئەمڕۆ یەک شەممە 26ـی کانوونی دووەمی 2025، ڕێنماییەکانی خانەنشینی بڵاوکردەوە و ئاماژەی بەوەداوە، به پێی فەرمانی وەزاری و پاڵپشت بەفەرمانی سەرۆک وەزیران ژمارە (191 لە 2025/1/10)، بڕیاری خانەنشینی پێشمەرگە بە چەند بڕگەیەک دەچێتە بواری جێبەجیکردنەوە.
لە بڵاوکراوەکەی وەزارەتی پێشمەرگەدا ئاماژە بەوەشدراوە، ئەفسەران و کارمەندانی وەزارەتی پێشمەرگە کە ئێستا خانەنشین دەبن بە پێی یاسای ڕاژە و خانەنشینی سەربازی ژمارە(3)ی ساڵی 2010 خانەنشین دەکرێن، کە پاڵپشتە بە ماددەی(35) لە برگەی (سێیەم/ب) لە یاسای خانەنشینی یەکگرتوو ژمارە(9) ساڵی 2014.
دەقی بڵاوکراوەکەی وەزارەتی پێشمەرگە:
به پێی فەرمانی وەزاری، کە وەزیری پێشمەرگە واژووی لەسەرکردوە بەژمارە(1470) لەڕێکەوتی 2025/1/26 و پاڵپشت بەفەرمانی جەنابی سەرۆک وەزیران ژمارە (191 لە 2025/1/15)، لەبەر ڕۆشنایی بریاری ئەنجومەنی وەزیران ژمارە(259) پشتبەست بە بریاری دادگای باڵای ئیتیحادی ژمارە(212 اتحادیة/2022) لە 2022/11/26 تایبەت بە جێبەجێکردنی یاسای خانەنشینی یەکگرتوو، ژمارە (9) ساڵی 2014ی هەموارکراو، ئاماژە بە ڕاپۆرتی تیمی هاوبەشی وردبینی هەردوو دیوانی چاودێری دارایی ئیتحادی و هەرێم لە ڕۆژی 2023/10/17 تایبەت بە ئەنجامی چاودێری و وردبینی ژمارەی فەرمانبەران و خانەنشین و سوودمەندانی چاودێری کۆمەڵایەتی لە هەرێم.
وەزارەتی پێشمەرگەی حکومەتی هەرێمی کوردستانیش پشتبەست بە بریارەکانی وەزارەتی دارایی و ئابووری حکومەتی هەرێمی کوردستان، ئەم فەرمانە وەزارییەی بۆ سەرجەم بەڕێوەبەرایەتی و یەکە سەربازییەکان پەخشکردووە و بە پێی فەرمانەکە ئەفسەران و کارمەندانی وەزارەتی پێشمەرگە کە ئێستا خانەنشین دەبن بە پێی یاسای ڕاژە و خانەنشینی سەربازی ژمارە(3)ی ساڵی 2010 خانەنشین دەکرێن. کە پاڵپشتە بە ماددەی(35) لە برگەی (سێیەم/ب) لە یاسای خانەنشینی یەکگرتوو ژمارە(9) ساڵی 2014. ئەمەی خوارەوەش دەقی فەرمانی وەزاری ژمارە(1470) کە خۆی لە هەشت خاڵ دەبینێتەوە:
