دەستەی داکۆکی لە مامۆستایان و فەرمانبەرانی ناڕازی رایگەیاند، لە سبەینێ رۆژی یەکشەممەوە بایکۆت دەستپێدەکاتەوە تا مووچەی مانگەکانی 12ـی ساڵی رابردوو و یەکی ئەمساڵ وەردەگرن.
ئەمرۆ شەممە، دەستەی داکۆکی لە مامۆستایان و فەرمانبەرانی ناڕازی لە کۆنگرەیەکی رۆژانەمەوانیدا رایانگەیاند، لە سبەینێ یەکشەممەوە بایکۆتی دەوام دەستپێدەکەن لەسەرجەم ناوەندەکانی خوێندن، تا مووچەی مانگەکانی 12ی ساڵی رابردوو و مووچەی مانگی یەکی ئەمساڵ وەرنەگرن ناگەڕێنەوە سەر کارەکانیان.
پێشتریش دڵشاد میرانی، ئەندامی دەستەی داکۆکی کردن لە مامۆستایان و فەرمانبەرانی ناڕازی لەبارەی بایکۆت و تەوتین لە لاپەڕەی خۆی لە فەیسبووک دەڵێت، “لەیەکشەممەوە بایکۆت و شەڕی مان و نەمان لە پێناو تەوتین دەکەین”.
ئەمە لەکاتێکدایە مانگی یەک چەند ڕۆژێکی کەمی ماوە و هێشتا مامۆستایان و فەرمانبەران مووچەی مانگی 12ی ساڵی ڕابردوو و مانگی یەکی ئەمساڵیان وەرنەگرتووە.
