بە پێی داتاکانی ماڵپەڕی شەفافیەت، داهاتی هەفتەی ڕابردوو بەروارد لەگەڵ هەفتەی پێشووتر 7 ملیار دینار زیادیکردووە.
بە پێی داتاکانی ماڵپەڕی شەفافیەت کە نووسینگەی جێگری سەرۆکی حکومەتی هەرێم سەرپەرشتی دەکات، داهاتی رۆژانیی نێوان 18-1-2025 تا 24-1-2025، بڕی 18ملیار و 126 ملیۆن و 788 هەزار و 579 دینار بووە.
ماڵپەڕەکە تایبەتە بە بڵاوکردنەوەی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان و ڕوونیشیکردەوە كە 87%ـی داهاتی هەفتەی ڕابردوو بەشێوەی نەختینەیە و 13%ـشی بەشێوەی چەكە.
پێشتر ماڵپەڕی شەفافیەت ڕایگەیاندبوو کە داهاتی هەفتەی پێشووتر 11 ملیار و 580 ملیۆن و 204 هەزار و 850 دینار بووە.
