بەڕێوەبەرایەتی پۆلیسی دارستان و ژینگەی سلێمانی ئاشكرای دەكات، كە كەسێك نزیكەی 35 داری بەڕووی بڕیوە و پێش ئەوەی بیانبات بۆ سووتاندن، دەستیان بەسەرداگیراوە و خۆشی هەڵاتووە.
بەڕێوەبەرایەتی پۆلیسی دارستان و ژینگەی سلێمانی لە ڕاگەیەنراوێكدا ئاماژەی بەوەكردووە، لەئەنجامی دەرچوونی مەفرەزەیەکی بنکەی پۆلیسی دارستان و ژینگەی خەلەکان بۆ سنوری گوندی ( فریزەڵە ) بۆ پاراستنی ژینگەو سروشتی ناوچەکە دوای گەڕان و پشکنینی ووردی سنورەکە بینرا کەوا کۆمەڵێک دار بڕدراون، کە ژمارەیان نزیکەی ( ٣5) دار دەبێت لەجۆری بەڕوو، بەڵام کەسی سەرپێچیکار نادیار بوو .
ڕاشیگەیاندووە، پاشان پەڕاوی لێکۆڵینەوەی بۆ ڕێکخراوە و خراوەتە بەردەست دادوەر بۆ وەرگرتنی ڕێکاری یاسایی و بەدواداچوون بەردەوامە بۆ دۆزینەوەی سەرپێچیکار .
