لەم ناوچانە بەفر دەبارێت و پلەکانی گەرما نزم دەبنەوە

کەشناسی هەرێم ڕایگەیاند، ئەمڕۆ ئاسمان لە نێوان پەڵەهەورو نیمچە هەور دەبێت پلەکانی گەرما نزم دەبنەوە و لەسەر لوتکەی چیاکانیش بەفر دەبارێت.

بەپێی ڕاپۆرتی کەشناسی هەرێم، ئەمڕۆ شەممە ئاسمان لە نێوان پەڵە هەور و نیمچە هەور دەبێت لە کاتەکانی ئێوارەدا دەگۆرێت بۆ هەوری تەواو لەگەڵ بارینی نمە باران لە ناوچە شاخاویەکان و بەفرێکی کەم لەسەر لوتکەی شاخە بەرزەکان.

باسی لەوەشکرد: پلەکانی گەرما نزم دەبێتەوە بە سێ بۆ چوار پلەی سیلیزی بەراورد بە تۆمارکراوەکانى دوێنێ.

ئەوەشی وتووە: سبەینێ یەکشەممە ئاسمان پەڵە هەور و نیمچە هەور دەبێت لە کاتەکانی ئێوارەدا دەگۆرێت بۆ هەوری تەواو. پلەکانی گەرما نزیک دەبێتەوە لە تۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 15 پلەى سیلیزى

سلێمانی: 13 پلەى سیلیزى

دهۆک: 13 پلەى سیلیزى

کەرکوک: 16 پلەى سیلیزى

هەڵەبجە: 13 پلەى سیلیزى

زاخۆ: 14 پلەى سیلیزى

حاجی ئۆمەران: 5 پلەى سیلیزى

سۆران: 11 پلەى سیلیزى

گەرمیان: 21 پلەى سیلیزى