سوپای تورکیا ئەمڕۆ 13 هێرشی ئاسمانی بۆ سەر بە شێک لە گوندەکانی سێ پارێزگاکەی هەرێمی کوردستان ئەنجامدراوە.
كامەران عوسمان ئەندامی تیمی کوردستانی ڕێكخراوی (CPT) ڕایگەیاند، سوپای داگیرکەری تورک ئەمڕۆ 13 هێرشی ئاسمانی بۆ سەر بە شێک لە گوندەکانی سێ پارێزگاکەی هەرێمی کوردستان ئەنجامداوە.
بە پێی وتەی ناوبراو: “هێرشەكان لە کاتژمێر 10ی سەر لەبەیانییەوە تا کاتژمێر 2ی دوانیوەڕۆ بووە”.
هاوکات ئاماژەی بەوەشكرد، سوپای تورکیا، چیای مەتینا و گارا و گەلی ڕەشاڤای لە پارێزگای دهۆک، چیاکانی خواکوڕک و خنێرە لە پارێزگای هەولێر و ناوچەی مەنگوڕایەتی و بناری قەندیلی لە پارێزگای سلێمانی بۆردومانکرد.
بەگوێرەی ڕاگەیاندراوەكە، هێرشەكانی سوپای توركیا لە کاتژمێر 10ـی سەر لەبەیانییەوە تا کاتژمێر 2ـی دوانیوەڕۆ بەردەوام بوون.
كامەران عوسمان باسی لەوەشكرد، بۆردوومانەکان بوونە مایەی ترس و دڵەڕاوکێی هاوڵاتییانی مەدەنی، بەڵام هیچ هاوڵاتییەک شەهید یاخود بریندارنەبوون.
