سەرەڕای خاوبوونەوەی گرژییەكانی سوریا و لوبنان و دەنگۆی ئاگربەست لە غەززە، نرخی زێڕ لە بازاڕی جیهانی بەرزبووەوە و هەر ئۆنسەیەك نزیكەی 40 دۆلاری چووەسەر.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، نرخی زێڕ زۆر بەرزبۆتەوە و لە دوێنێوە نرخی یەك ئۆنسە لە 2 هەزار و 585 دۆلارەوە بەرزبۆتەوە بۆ 2 هەزار و 625 دۆلار.
ڕاشیگەیاند، لە ئێستادا نرخی یەك مسقاڵ زێڕی عەیار 24 بە 642 هەزار دینارە و عەیاری 21 بە 561 هەزار و عەیاری 18 بە 481 هەزار دینارە.
وتیشی، “هێزی دۆلار بەو جۆرەش لاواز نەبووە ئۆنسەی زێڕ 40$ بەرزبێتەوە، من پێشبینی ئەوەم نەدەکرد ئەمڕۆ ئۆنسەی زێڕ بەو ئاستە بەرزبیتەوە، چونکە هیچ هۆکارێکی تەکنیکی نەبوو بۆ ئەو بەرزبوونەوە زۆرە”.
