نرخی نەوت بەرزبووەوە و زێڕ دابەزی

نرخی نەوت و زێڕ لە بازاڕەکانی جیهان گۆڕانکارییان بەسەردا هات، نرخی نەوت بەرزبووەوە و زێڕیش بەشێوەیەکی بەرچاو دابەزی.

ئەمڕۆ شەممە، نرخی یەک بەرمیل نەوتی خاوی برێنت بۆ 74 دۆلار و 49 سه‌نت به‌رزبووه‌وه‌،له‌كاتێكدا كۆتایی هه‌فته‌ی ڕابردوو به‌ 72 دۆلار و 66 سەنت بوو.

هاوکات هەر ئەمڕۆ نرخی یەک بەرمیل نەوتی خاوی ئەمریکا بۆ 71 دۆلار و 29 سه‌نت به‌رزبووه‌وه‌، له‌كاتێكدا ئه‌ویش كۆتایی هه‌فته‌ی رابردوو به‌ 69 دۆلار و شەش سەنتفرۆشرا.

هەرچی نرخی زێڕیشە به‌شێوه‌یه‌كی به‌رچاو دابه‌زینی به‌خۆیه‌وه‌ بینیوه‌ و بۆ ئه‌مڕۆ یه‌ك ئۆنسه‌ی به‌ دوو هه‌زار و 648 دۆلاره‌، له‌كاتێكدا كۆتایی هه‌فته‌ی رابردوو بۆ دوو هه‌زارو 717 دۆلار به‌رزبووه‌وه‌.