هەندێکجار بەهۆی هەڵەیەکەوە یان لەبیرکردنەوە وشەی نهێنی ئینتەرنێتەکەت لەبیردەچێتەوە یان دەسڕێتەوە، ئەمەش گرفتت بۆ دروست دەکات و ناچار دەبێت چاوەڕێی کۆمپانیاکەبیت بۆئەوەی بۆت چاک بکەنەوە، بەڵام ئەگەر لە جێگایەک بویت پەیوەندیت بۆ نەکرا چی بکەین بۆئەوەی وشەی نهێنیمان بۆ بگەڕێتەوە.
بەگوێرەی ماڵپەڕی ئینفوبەی ئەرجەنتینی، چەند ڕێگەیەک هەیە بۆ وەرگرتنەوەی ئەو وشەی نهێنیانە، لە سکانکردنی کۆدی QR تا بەکارهێنانی ڕێکخستنە پێشکەوتووەکانی سیستەمی کارپێکردن.
لێرەدا چەند هەنگاوێکی کاریگەر بۆ چارەسەرکردنی ئەم کێشەیە دەخەینەڕوو.
کۆدی QR لە ئەندرۆید و ئای ئۆ ئێس بەکاربهێنە:
هەردوو مۆبایلە زیرەکەکانی ئەندرۆید و ئای ئۆ ئێس خزمەتگوزاری بەکارهێنانی کۆدی QRیان دابین کردووە، ئەمەش ئاسانکارییەکی باشە و وادەکات وشە نهێنییەکەش بزانیت.
لەسەر ئامێرەکانی ئەندرۆید ڕێکارەکە سادەیە، تەنها پێویستە بچیتە سەر ڕێکخستنەکانی تۆڕی وای فای و ئەو تۆڕە هەڵبژێرە کە پەیوەندیت پێوە کردووە و بەدوای بژاردەی “Share” بگەڕێیت.
بەم کارە سیستەمەکە کۆدێکی QR دروست دەکات کە دەتوانرێت بە بەکارهێنانی مۆبایلێکی زیرەکی تر یان ئەپی خوێنەری کۆدی QR سکان بکرێت.
لە زۆر حاڵەتدا سکانکردنی کۆدەکە وشەی نهێنی بە دەقی سادە پیشان دەدات.
لە لایەکی ترەوە لە iOS ڕەنگە پرۆسەکە جیاواز بێت بەپێی وەشانی سیستەمی کارپێکردن.
لە وەشانی نوێتردا دەتوانرێت وشەی نهێنی ڕاستەوخۆ لە نێوان ئامێرە نزیکەکانی ئەپڵدا هاوبەش بکرێت کە هەمان ئەکاونتی ئایکلاودیان هەیە یان لە لیستی پەیوەندییەکاندان.
ڕێگاکانی تر بۆ گەڕاندنەوەی وشەی نهێنی وای فای
ئەگەر کۆدی QR بەردەست نەبوو، ئەوا ڕێگەی زۆر سادەی تر هەیە کە دەتوانێت یارمەتیدەر بێت لە گەڕاندنەوەی وشەی نهێنی وایفای.
ئەویش لەڕێگەی ڕاوتەرەکەوە، زۆربەی ڕاوتەرەکان لە خوارەوە یان پشتەوە ستیکەرێکیان تێدایە کە ناوی تۆڕەکە و وشەی نهێنی یەکەم لەخۆدەگرێت.
ڕێگایەکی تر ئەوەیە کە بە بەکارهێنانی ئایپی ئەدرەسەکەی دەستت بگات بە ڕێکخستنەکانی ڕاوتەرەکەت، بەزۆری شتێکی وەک 192.168.0.1 یان 192.168.1.1 لەوێشەوە دەتوانیت لە ڕێکخستنەکاندا وشەی نهێنی بگۆڕیت.
ڕێگری لە چوونەژوورەوەی تۆڕی وای فای ماڵەوەی تایبەتی خۆت بکە:
پاراستنی تۆڕی وایفای خۆت لە هاکەرەکان زۆر گرنگە بۆ ئەوەی ئامێرە ئەلیکترۆنییەکان و زانیارییە کەسییەکانت بە سەلامەتی بمێننەوە.
ڕێکاری بنەڕەتی بریتییە لە چالاککردنی کۆدکردنی “WPA3” یان “WPA2” لە ڕێکخستنەکانی ڕاوتەردا، کە ئاستێکی بەرزی ئاسایش دابین دەکات.
