بەڕێوەبەرایەتی پۆلیسی هەولێر ڕایدەگەیەنێت ، بنكەی پۆلیسی باداوە، تۆمەتبارێكیان دەستگیركرد، كە بەكارهێنەری ماددەی هۆشبەر بووە و چەند بتڵی غازی بچووك و كەلوپەلی بەكارهێنانی ماددەی هۆشبەریشی پێ گیراوە.
بەڕێوەبەرایەتی پۆلیسی هەولێر بڵاویكردەوە، بەشی پۆلیسی ناوشار ڕۆژهەڵات، بنكەی پۆلیسی باداوە، تۆمەتبارێكیان بە ناوی (م. خ. ب.) دەستگیر كرد، كە بەكارهێنەری ماددەی هۆشبەر بووە و لەكاتی دەستگیر كردنیدا دەست بڕێك ماددەی هۆشبەر و پایپی بەكارهێنانی ماددەی هۆشبەر و چەند بتڵی غازی بچووك و كەلوپەلی بەكارهێنانی ماددەی هۆشبەر داگیرا.
ئاماژە بۆ ئەوەشكراوە، كە پەڕاوی لێكۆڵینەوەی بۆ ڕێكخرا ڕەوانەی بەردەم داوەری لێكۆڵینەوە كرا، بەڕێزیان بڕیاری دا بە ڕاگرتنی تۆمەتبار بەپێی ماددە (٢٤٠) لە یاسای سزادان و (٣٠)ی ماددە هۆشبەرەكان.
