سەرۆكایەتی شارەوانی سلێمانی ڕایدەگەیەنێت، “تیمەكانی سەرۆكایەتیی شارەوانیی سلێمانی/بەڕێوەبەرایەتیی باخچەكانی سلێمانی لەم هەفتەیەدا كاری رێكخستن و جوانكاریان لە باخچە و پاركەكان ئەنجامدا و كاری رێكخستنەوە و جوانكاریی نەمام و پەرژین و روواندن و بژاركردنی چیمەن و بڕین لە سەوزایی وپاككردنەوە و چاكسازییان لە سەرجەم نافورەكانی پاركی (مەولانا) ئەنجامدا.
سەرۆكایەتی شارەوانی سلێمانی لە ڕاگەیەنراوێكدا ئاماژەی بەوەكردووە، “كاری جوانكاری بۆ نەمامەكانی بلواری نزیك فولكەی ئارینای كۆبانی بۆ بەرزەپردی باخی بەختیاری و ڕوواندنی 250 ڕۆزماری و سۆیای پەرژین ئەنجامدرا”.
ڕاشیگەیاندووە، كاری كێڵان و ڕوواندنی نەمامی (قاوە- ناروەند -پەرژین مۆرد) یان لەناو پاركی ئازادیدا ئەنجامداوە و كاری جوانكاری بۆ پاركی مەلیك مەحمود و كێڵان و ڕوواندنی 885 نەمامی سنەوبەری زاوێتە- گوڵی داودی – پەرژینی زرشك و مۆرد و سۆیا و ڕۆزمارییان ئەنجامدا.
ئاشكراشی كردووە، چاكسازی و چاككردنەوەی سەرجەم كورسیی ناو پاركی ماردین لەگەل ڕوواندنی نەمام و پاكردنەوە و بژاركردن و كێڵان ئەنجامدرا.
