سەرۆک کۆماری سووریا ئاماژە بە گرژییەکانی سووریا دەکات و دەڵێت”تیرۆر تەنها زمانێک لێی تێبگەن زمانی هێزە”.
بەشار ئەسەد، سەرۆک کۆماری سووریا جەختی لەوە کردەوە کە “تیرۆر تەنیا لە زمانی هێز تێدەگات”، لە کاتێکدا کە لە باکووری وڵاتەکەی شەڕێکی توند بەڕێوەدەچێت بۆ بەرپەرچدانەوەی هێرشی گرووپە چەکدارەکانی ناسراو بە ( تحریر شام).
ئەسەد لە پەیوەندییەکی تەلەفۆنی لەگەڵ بەدرا گۆمبا، سەرۆکی بە وەکالەت لە کۆماری ئەبخازیا ، تاوتوێی دۆخی سوریایان کرد و گۆمبا دووپاتی کردەوە کە وڵاتەکەی پشتیوانی لە سووریا دەکات بۆ ڕووبەڕووبوونەوەی گرووپە تیرۆرستە چەکدارەکان کە هێرشیان لەو وڵاتە دەستپێکردووە.
ئەسەد جەختی لەوە کردەوە کە تیرۆر تەنها لە زمانی هێز تێدەگات و ئەوەش ئەو زمانەیە کە ئێمە پێی دەشکێنین و لەناویان دەبەین، بەبێ گوێدانە لایەنگران و پشتیوانانیان.
ئاماژەی بەوەشکردووە، “تیرۆریستان نوێنەرایەتی گەلێک یان دامەزراوەیەک ناکەن، تەنها نوێنەرایەتی ئەو دەزگایانە دەکەن کە ئامانجیان پشێوی و ئاژاوەیە”.
چوارشەممەی ڕابردوو، گرووپە چەکدارەکان بە سەرۆکایەتی دەستەی تەحریر شام ئۆپەراسیۆنێکیان بە ناوی “رێگریکردن لە دەستدرێژی” دەستپێکرد و ناوچەیەکی فراوانیان لە باکووری ڕۆژئاوای سوریا کۆنترۆڵکرد، لەنێویاندا زۆرینەی شاری حەلەب، و لە ئێستاشدا شەڕوو ڕووبەڕووبوونەوەکان بەردەوامن و بەشێکی هەسەدەش ڕووبەڕووی ئەو گروپە چەکدارانە بوونەتەوە بەتایبەت لە ناوچە کورد نشینەکان.
