شەڕی ڕاستەوخۆ لەنێوان هێزەكانی سوریای دیموكرات “هەسەدە” و گرووپە چەكدارەكانی سوریای سەر بە توركیا دەستی پێكرد و تا ئێستا 3 شەڕڤان شەهید بوون.
دوانیوەڕۆی ئەمڕۆ لە ناوچەكانی شەهبا گرووپە چەكدارەكانی سەر بە توركیا هێرشیان كردۆتە سەر شەڕڤانان و تا ئێستا شەڕ بەردەوامە و ڕێگای سەرەكی نێوان حەلەب و شەهبا داخرا.
هێزەکانی سوریای دیموکرات “هەسەدە” لە ڕاگەیەنراوێكدا ئاماژەی بەوەكردووە، لە شەڕ لەگەڵ گروپەکانی سەر بە تورکیا سێ شەڕڤانمان شەهید بوون و ئەو گرووپە چەكدارانە ویستویانە بچنە ناوچەی ئەحداس و ڕێگای ئەو ناوچەیە كۆنتڕۆڵ بكەن.
ڕاشیگەیاندووە، لە سنوری عەفرین شەڕ لەنێوان شەڕڤانان و گرووپەکانی سەر بە تورکیا ڕوویداوە.
ئاشكراشی كردووە، %25ـی خاکی حەلەب بە دەستی شەڕڤانانەوەیە.
