دارایی عێراق دەستی بە دابەشکردنی مووچەی مانگی 12 کرد.
وەزارەتی کار و کاروباری کۆمەڵایەتی عێڕاق رایگەیاند، مووچەی مانگی 12ـی دەستەبەری کۆمەڵایەتی خراوەتە سەر هەژماری بانکی و دەتوانن مووچەخۆران بچن مووچەکانیان ڕابکێشن.
هاوکات دەستەی خانەنشینی عێراق بڵاویکردەوە، سەرجەم ڕێکارەکانی دابەشکردنی مووچەی مانگی کانوونی یەکەم بۆ خانەنەنشینان تەواو بووە و دەتوانن لەو شوێنانەی بۆیان دیاریکراوە بچن مووچەکانیان وەرگرن.
ئەمە لەکاتێکدایە کە ئەمڕۆ وەزارەتی دارایی عێراق بڕی 761 ملیار دیناری خستە سەر هەژماری وەزارەتی دارایی حکومەتی هەرێم بۆ مووچەی مانگی 10ـی مووچەخۆرانی هەرێم.
هاوکات دارایی هەرێم ڕایگەیاند، ئەو بڕە پارەیەی بەغدا ناردوویەتی بەشی مووچەی مانگی 10ـی مووچەخۆرانی هەرێم ناکات و پێویستیان بە پارەی زیاترە.
