شنیار ئەنوەر، كاندیدی دەرچووی یەكێتی بۆ پەرلەمانی كوردستان لەدوای كۆبوونەوەی لەگەڵ قوباد تاڵەبانی، جێگری سەرۆك وەزیرانی هەرێم دەڵێت: تەنیا بە ئیشکردن و خزمەتی خەڵک دەتوانم قەرەبووی پشتیوانیت بکەمەوە وە دەیکەمەوە، وەک خۆت پێتوتم “ئەگەر خزمەتکردنی خەڵک شەری پێویست بوو بیکە، ئەگەر ئاشتیشی پێویست بوو ئاشتی بکە”.
شنیار ئەنوەر لە هەژماری خۆی لە فەیسبووك ڕایگەیاندووە، سەرەرای بڕانی بودجە و قەیرانەکان و کێشەناوخۆییەکانی یەکێتی و لێدان لە دەسەڵاتەکانی، قوباد تاڵەبانی بەبێ دەنگی و لەسەرخۆی لە پشت ڕاگرتنی ئارامی شار و کردنیەتی بە پلە یەک لە ئاستی وەبەرهێنان لە کەرتی پێشەسازی لە هەموو عێراق، لە ئێستا دا ٣٠٪ هەموو پیشەسازی عێراق لە سلێمانییە.
ڕاشیگەیاندووە، ئەو بە نەرمی و حیکمەت و سەبرگرتنی مام جەلالیانە شکستی بە هەموو ئەو پیلانانە ناوخۆی و هەرێمی و نێودەوڵەتیانە هێنا، کە دەویسترا سلێمانی بخزێنرێتە نێو شەر و ئاشوب.
دەشڵێت: شار لە سەردەمی قوباد تاڵەبانیدا مەئوای ئازادیخوازانی کوردستان و ئارامترین دورگەی ئازادیخوازانە لە هەموو عێراقدا لەکاتێکدا دادگاکانی هەولێر و دهۆک فەرمانی دەستگیرکردن بۆ ئازادیخوازان دەردەکەن.
شنیار ئەنورە نووسیویەتی، “هەرکات دەیبینم گرفت و داواکاری خەڵک تەوەری یەکەم و کۆتای گفتوگۆکانمانە، سەرەڕای سەرقاڵی و چروپری خشتەی کارەکانی و لەوپەری سەرقاڵیدایە، بە وزە و ئیرادەیەکی بەرزەوە یەک یەک گوێ لە گرفتە زۆر و بێ کۆتاکانی هاووڵاتیان دەگرێت و چارەسەریان بۆ دەدۆزێتەوە”.
