ئەندامێكی پەڕلەمانی عیراق ڕایدەگەیەنێت، دۆسێی ١٠ كۆمپانیا و بانكی شەرقولئەوسەت و ڕاوێژكارێكی بانكەكە و بەرپرسی لقی بانكە ئەهلییەكانی عێراق لە هەرێم و 5 پارێزەر، ئاڕاستەی دەستەی دەستپاكی كرا.
سۆران عومەر، ئەندامی پەڕلەمانی عیراق بۆ (خەڵك) ڕایگەیاند، ئەمڕۆ دوو شەممە 9ی 1ی 2023 دۆسێی ١٠ كۆمپانیا و بانكی شەرقولئەوسەت و ڕاوێژكارێكی بانكەكە و بەرپرسی لقی بانكە ئەهلیەكانی عێراق لەهەرێم و 5 پارێزەر، ئاڕاستەی دەستەی دەستپاكی كرا.
ڕاشیگەیاندووە، ئەوانە بەناوی 6 هاووڵاتی هەرێم، كە حساب بانكیان لە لقی سلێمانی بانكی شەرقولئەوسەت كردۆتەوە بەڵگەنامەكانیان بەكارهێناون و ئەم ١٠ كۆمپانیایان بەناوەوە دروستكردون.
ئاماژەی بۆ ئەوەشكردووە، كە ئەمە دۆسێی سپیكردنەوەی پارەیە، واتە بردنەدەرەوەی دۆلار، ئەوەی ئێستا عێراقی خستۆتە بەردەم مەترسی گەورەی داڕمانی ئابووری و دابەزینی بەهای دینار.
