حکومەتی عێراق بڕیاریداوە بۆ ساڵی 2025 وەرگرتمی گەنم لە عێراق و هەرێمی کوردستان بەڕێژەی 50٪ کەمبکاتەوە و پشکی هەرێمیش بە 400 هەزار تەن دیاریکراوە.
وەزارەتی پلاندانانی حکومەتی هەرێمی کوردستان ڕایگەیاند، حکومەتی عێراق بڕیاریداوە بۆ ساڵی داهاتوو هەر تەنێک گەنم بە 850 هەزار دینار وەربگرێت و لە تەواوی عێراقیشدا بڕی سێ ملیۆن و 600 هەزار تەن وەردەگیرێت.
ئەوەشی باسکردووە، بەهۆی مانەوەی 803 ملیار دیناری پارەی جوتیاران کە تا ئێستا خەرجنەکراوە، هەروەها کێشەی گۆڕانی کەشوهەوا و کێشەی مانەوەی گەنم لە سایلۆکاندا، حکومەتی عێراق بڕیاریداوە ساڵی داهاتوو وەرگرتنی گەنم بەراورد بە ئەمساڵ بۆ نیوە کەمبکاتەوە.
ساڵی رابردوو عێراق زیاتر لە شەش ملیۆن تەن گەنمی جوتیارانی وەرگرت و بەشی هەرێمی کوردستانیش نزیکەی 700 هەزار تەن بوو.
