دوای ئەوەی لە شارەدێی شوانی سەر بە پارێزگای کەرکوک ژنێک لەنێو ماڵەکەیدا کوژرا و دواتریش وا بڵاوکرایەوە چەند کەسێک ھاتوونەتە سەر ماڵەکە و پیاوەکەیان بەستووه‌ته‌وه و ژنەکەیان کووشتووە.
پۆلیسی کەرکوک رایگەیاندووە، دوای ئه‌وه‌ی رۆژی 28ـی 12ـی ساڵی رابردوو، لە رووداوێکدا لەشارەدێی شوانی سەر بە پارێزگای کەرکووک، ژنێک لەنێو ماڵەکەیدا کوژرا و هاوسه‌ره‌كه‌شی بانگه‌شه‌ی ئه‌وه‌ی كرد سێ چه‌كداری نه‌ناسراو هه‌ڵیانكوتاوه‌ته‌سه‌ر ماڵه‌كه‌ی و ژنه‌كه‌یان كوشتوه، دوای لێكۆڵینه‌وه‌كانیش ده‌ركه‌وت، هاوسه‌ری قوربانیه‌كه تۆمه‌تباری سه‌ره‌كی روداوه‌كه‌یه و دوای ئه‌و تاوانه‌ش، خۆی به‌ستووه‌ته‌وه تا نیشانی بدات كه‌سانی نه‌ناسراو ژنه‌كه‌یان كوشتوه.
پۆلیس دەشڵێت، پیاوەکە لەبەردەم دادوەری لێکۆڵینەوە دانی بە تاوانەکەی داناوە و ئەو چەک و چەقۆیەش تاوانەکەی پێ ئەنجامداوە، دەستی بەسەرداگیراوە و ھاوسەرەکەشی بە پێی مادەی 405 لەیاسای سزادانی عێراقی دەستگیرکراوە.
