بوومەلەرزەیەک ڕوویدا

بەرەبەیانی ئەمڕۆ بوومەلەرزەیەک لە سنووری ئیدارەی سەربەخۆی زاخۆ ڕوویدا و وەزارەتی گواستنەوەی عێراقیش دەڵێت، زیانی نەبووە.

وەزارەتی گواستنەوەی عێراق ڕایگەیاند، کاتژمێر 5:29 خولەکی بەیانی ئەمڕۆ پێنجشەممە بوومەلەرزەیەک بە گوڕی 2.9 پلەی ڕێختەر لە سنووری ئیدارەی سەربەخۆی زاخۆ ڕوویدا.

ڕوونیشیکردەوە کە چەقی بوومەلەرزەکە 31 کیلۆمەتر لە ناوەندی شاری زاخۆوە دووربووە و هیچ زیانێکیشی نەبووە.

دوێنێ لە سنووری پاریزگەی مەلەتی باکووری کوردستانیش بوومەلەرزەیەکی بەهێز بە گوڕی 5.9 پلەی ڕێختەر ڕوویدا، ئەویش هیچ زیانێکی لێنەکەوتووەتەوە.