لەگەڵ نمەباراندا، خۆڵ دەبارێت

بە پێی پێشبینییەکانی کەشناسی هەرێمی کوردستان، پلەی گەرما کەمێک نزم دەبێتەوە و ئەمڕۆش ئەگەری نمەباران هەیە لە ناوچە شاخاوییە سنوورییەکاندا.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ چوارشەممە، ئاسمان نیمچە هەور و لە هەندێک ناوچە پەڵە هەور دەبێت لەگەڵ بوونی تۆزێکی سووک و ئەگەری کەمێک نمە بارانیش لە ناوچە شاخاوییە سنووریەکان هەیە.

ئەوەشی خستەڕوو کە سبەینێ پێنجشەممە، ئاسمان ساماڵ و پەڵە هەور دەبێت و پلەی گەرماش نزیک دەبێتەوە لە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :

هەولێر : 33 پلەى سیلیزى

سلێمانی : 32 پلەى سیلیزى

دهۆک : 33 پلەى سیلیزى

کەرکووک : 37پلەى سیلیزى

هەڵەبجە : 34 پلەى سیلیزى

زاخۆ : 33 پلەى سیلیزى

حاجی ئۆمەران : 24 پلەى سیلیزى

سۆران  : 33 پلەى سیلیزى

گەرمیان :  38 پلەى سیلیزى